اتمنى احد يرد علي ويساعدني

اعتذر جداً على ازعاجك كل شوي اسألك سامحيني
طيب انا مو قادره اتخلص من هالفكره تماما اعرف طريقه التطبيق بس مادري مو قادره
احس ان في يدي فايروس احس ان في ملابسي وصنبور الماء وهكذا وطول الوقت اغسل الى ١٠ مرات
وعندي استفسار اخر مالقيت احد رد علي فيه وش الفرق بين الودي والافرازات الطبيعيه ؟؟ لأني تعبت منها وكل شوي اتوضأ مادري هو اي شي بالضبط هذا قبل فتره جاني لأني قريت عن الودي انه يبطل الوضوء

شكراً لك وماقصرتي ، ولكن انتظر رد اختبي حلم

عزيزتي معرفتك بالطريقة الصحيحه هذا نصف العلاج
النصف الاخر هو التطبيق .. التطبيق يحتاج لعزيمة واجبار في نفس الوقت .. اجبري نفسك على تقليل عدد مرات الغسل بالتدريج
اليوم الاول قلليلها للنصف .. من ١٠ مرات الى ٥ واصبري
اليوم الثاني قللي العدد ايضا وهكذا ..

فجميع الناس يا اختي لايغسلون يدهم ١٠ مرات .. فهل جميع الناس على خطأ .. وهل انت مختلفة عنهم ! بل واحده منهم ومثلك ومثلهم تماما

** بابنسبة للودي فهو لايخرج إلا نادرا جدا جدا
ولا يخرج الا مع البول فقط .. ولا يخرج ايضا في هذه الحاله الا نادر جدا .. لذا اقطعي التفكير فيه نهائيا فهو لا يخرج في كل وقت ..

ولستي بحاجه لاعادة الوضوء ابدا فما تشعرين به هي افرازات طبيعيه طاهرة لا تحتاج لاستنجاء .

الله يجزاك الجنه على تحملك لي وردك السريع
كلامك جداً يريحني ويجعلني اقوى الحمدلله بإذن الله سأبدأ من الآن
الله يفرجها عليك دنيا واخره ويرزقك ماتتمنين

السلام عليكم اختي العزيزه حلم 
اتمنى ان تكوني بصحه وعافيه واعتذر عن ازعاجك 
تقريباً لي ٣ ايام تحسنت فيها ولكن الآن رجعت وصار يجيني بقوة وأكثر وسواوس في الله استغفرالله اتعبني جداً 
صرت ما اقدر اذا جاني على طول اعصب ومرات اصرخ تعوذت بالله من الشيطان وقلت آمنت بالله ورسله بس مو راضي يروح 
وانا ما ابيه يستمر عشان كذا اصرخ عشان يتركني ، ولما اكون بالصلاة ما اقدر الا بس استعيذ ما اقدر اقول امنت بالله ورسله صح ؟؟
ساعديني الله يجزاك الجنه انا متبعه كل شي قلتيه بس هذا الشي تعبني كثير كثير ، كيف اقدر اخليه لأن مو قادره تطلع واخليها عادي 
اتمنى توضحين لي وتساعديني

وعليكم السلام
عزيزتي اعلمي ان الصراخ تصرف خاطى جدا جدا ولن يذهب الوسواس بهذه الطريقة بل بالعكس سيزيد ويزيد .

تخيلي ان بينك وبين احدهم عداوه وأحتد النقاش بينكم وظللتي تصرخين في وجهه غاضبه منفعله ماذا ستكون ردت فعله ؟
والله سيضحك من تصرفك ويعرفك انك ضعيفة وستسهلين عليه مهماته القادمه .

الهدوء يا اختي الهدوء فالشيطان يزيد من الغضب والانفعال .
فكوني دائما هادئة لا تظهري انفعالك ابدا .

الله يعلم يكراهيتك الشديدة لهذه الوسواس وانت لستي محاسبه عليها ولو بلغت شدتها عنان السماء ، فقد كانت تأتي للصحابه وهم افضل منا وكان ينصحهم الرسول صلى الله عليه وسلم بالاعراض ولم ينصحهم بشئ اخر ..

تخيلي ان افكار الشيطان تدخل من الاذن اليمنى وتخرج من اليسرى .. فلا تهتمي لها حتى لو احزنتك واعتصر قلبك منها تجاهليها .. واعلمي انك تفعلين مايرضي الله عندما تعرضين عنها ولا تنفعلين منها .

سأضع موضوع مهم غدا اتمنى ان تقرأيه وأسأل الله ان ينفعك به .

وين القاه الله يسعدك ؟؟ 
بإذن الله لأني مفكره ما ادخل اقرا ابداً واني اتخلص منه قبل رمضان بإذن الله
فبدخل فقط اذا كان عندي تساؤل

هذا هو الموضوع
https://www.alkhabeer2.com/t11956-topic

السلام عليكم 
الله يسعدك على الموضوع جداً رائع وقاعد يفيد الحمدلله 
بس انا عندي مشكله وزادت كثير مع الوضع الحالي في غسل اليدين احس فيها فايروس كورونا 
واظل طول الوقت اغسل حول ١٠ مرات ، واذا لمست اي شي حتى لو بالبيت اغسل 
ماكنت كذا ابداً بس زاد فيني والوسواس يدخل من منافذ كثيره وللأسف زاد معي
صرت حتى بالشاور اطول اظل اغسل كثير ، مو قادره اقتنع ان ٢٠ ثانيه فقط كفايه 
ايش الحل لهالموضوع ؟؟

سأجيبك

انتظرك

لدرجه اني لما اتوضا ارجع اغسل يدي كم مره احس يكون فيه شي بجسمي او امسح على الشراب
حتى بالملابس البس الاشياء الطويله

.

Aa Sara كتب:

السلام عليكم 
الله يسعدك على الموضوع جداً رائع وقاعد يفيد الحمدلله 
بس انا عندي مشكله وزادت كثير مع الوضع الحالي في غسل اليدين احس فيها فايروس كورونا 
واظل طول الوقت اغسل حول ١٠ مرات ، واذا لمست اي شي حتى لو بالبيت اغسل 
ماكنت كذا ابداً بس زاد فيني والوسواس يدخل من منافذ كثيره وللأسف زاد معي
صرت حتى بالشاور اطول اظل اغسل كثير ، مو قادره اقتنع ان ٢٠ ثانيه فقط كفايه 
ايش الحل لهالموضوع ؟؟

وعليكم السلام
عزيزتي سبق ونصحتك بتقليل عدد مرات غسل اليد بالتدريج فكل مرةة قللي العدد ..

Aa Sara كتب:

لأن اللي معي في البيت مايعقمون ولاشي وهذا اللي زاد فيني 
فأي شي امسك اجلس اغسل وصايره افضل ان اجلس بغرفتي 
عشان لحد يقربني ولا امسك شي جداً متعب جداً واعلم ان الله الحافظ
ودايم اقرا اذكاري الحمدلله بس ماقدرت اتخلص منه

تخلصي يااختي من هذا الشعور فالذي تفعلينه لن يحفظك اذا كتب الله لك شئ ، فلا تعزلي نفسك بهذا الشكل فهذي غاية الشيطان ان يجعلك منفرده وحيدة . لانه ليس بعد الوحدة الا الوسواس المتعبه .

طبقي ماذكرته في موضوع الرقية ارقي نفسك بالطريقة التي ذكرتها في القصة هنا ، فرمضان فرصه عظيمة عظيمة لكل موسوس
https://www.alkhabeer2.com/t11956-topic

السلام عليكم 
اول شي شكراً على ماتقدمينه لنا من مساعده جعلها الله في ميزان حسناتك
واعتذر عن ازعاجك اختي الغاليه حلم ازعجتك بكثره الاسئله اعذريني 
وسواس في الله اكثر مايجيني في الصلاة تعبني حيل كيف اتصرف معه وانا اصلي ؟ 
اتعوذ ولا وش اسوي ؟ انا كان لما يجيني اعيد الصلاة صراحه ومرات اقطعها يعني اذا مو في الصلاة اقدر اتصرف اني انشغل واتعوذ واقول امنت بالله 
ويروح بس في الصلاة مو عارفه كيف التصرف الصحيح ؟؟ 
وايضاً انا التجاهل للحين عندي فيه مشكله وانا اصلي مو قادره

تعوذي من الشيطان وانفثي على يسارك واكملي صلاتك ولا تقطعينها
فانت لستي محاسبة على هذه الوسواس .
هل تطبقين الرقية بطريقة تكرار ايه الكرسي والمعوذات ؟؟
الطريقة مذكوره هنا
https://www.alkhabeer2.com/t11956-topic

الله يجزاك خير ، نعم 
هو مايجيني الا بالصلاه اغلب شي

السلام عليكم 
اتاني اليوم وسواس في الله وانا في الصلاة انهيتها ولم اعيدها واحس اني مو قادره احس سويت شي غلط 
ولا ودي اني اكون كذا في رمضان

وعليكم السلام
صلاتك صحيحه وانتي تعلمين ان هذا وسواس

الله يجزاك الجنه
عندي استفسار بخصوص الرقيه عادي اشغلها وقت النوم ولا افضل وانا صاحيه ؟

اجمعي بين الامرين وانتي صاحيه وايضا وانتي نائمه.

السلام عليكم
ارغب في التسجيل في الدوره اذا فيها متابعه ! كيف الطريقه ؟

وعليكم السلام
تواصلي معهم هنا
https://www.alkhabeer2.com/t6831-topic

تم التواصل ولم يتم الرد حتى الآن
وعندي استفسار الدوره هل فيها متابعه ؟ انا احتاج متابعه